കറന്റ് അഫയെഴ്സ് 24 ജനുവരി 2025 | Daily Current Affairs Kerala PSC | Current Affairs - 24th January 2025
Current Affairs 24 January 2025 Malayalam
ഇന്നത്തെ പ്രധാന ആനുകാലിക വിവരങ്ങൾ ചുവടെ ചേർക്കുന്നു. കറന്റ് അഫയെഴ്സ് വായിച്ച ശേഷം ക്വിസ് കുടി പരിശീലിക്കുക.
കറന്റ് അഫായേഴ്സ് ചോദ്യാത്തരങ്ങൾ വായിച്ച ശേഷം മോക്ക് ടെസ്റ്റ് ചെയ്യും. മോക്ക് ടെസ്റ്റ് ഈ ചോദ്യോത്തരങ്ങൾ കഴിഞ്ഞ ശേഷം നൽകിയിട്ടുണ്ട്.
ശ്രീഹരിക്കോട്ടയിലെ നൂറാം ദൗത്യം:
ഇന്ത്യൻ ബഹിരാകാശ ഗവേഷണ സംഘടന (ISRO) ജനുവരി 29-ന് ജിഎസ്എൽവി-എഫ്15 (GSLV-F15) റോക്കറ്റ് ഉപയോഗിച്ച് എൻവിഎസ്-2 (NVS-2) സാറ്റലൈറ്റ് വിക്ഷേപിക്കും. ഇത് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്ന് നടക്കുന്ന നൂറാമത്തെ വിക്ഷേപണമാണ്. ജിഎസ്എൽവി-എഫ്15 റോക്കറ്റിന്റെ 17-ാമത്തെ പറന്നുയരൽ കൂടിയാണിത്, ഇതിൽ 11-ാമത്തെ തവണ സ്വദേശീയമായി വികസിപ്പിച്ച ക്രയോജെനിക് എഞ്ചിൻ ഉപയോഗിക്കുന്നു.
ഡി. ഗുകേഷ് ഇന്ത്യയുടെ പുതിയ നമ്പർ 1:
18 വയസ്സുള്ള ഇന്ത്യൻ ചെസ് താരം ഡൊമ്മരാജു ഗുകേഷ് ഏറ്റവും പുതിയ ഫിഡെ (FIDE) റാങ്കിംഗിൽ 2784 പോയിന്റ് നേടി ലോകത്ത് നാലാം സ്ഥാനത്തേക്ക് ഉയർന്നു, ഇതോടെ അർജുൻ എരിഗൈസിയെ മറികടന്ന് ഇന്ത്യയുടെ നമ്പർ 1 ആയി. അർജുൻ എരിഗൈസി ജനുവരിയിൽ 2801 പോയിന്റ് ഉണ്ടായിരുന്നെങ്കിലും, ടാറ്റ സ്റ്റീൽ ചെസ് ടൂർണമെന്റിലെ പ്രകടനത്തെ തുടർന്ന് 2779.5 പോയിന്റായി കുറഞ്ഞു.
പ്രശസ്ത ആയുർവേദ ചികിത്സകൻ ഗംഗാധരൻ നായർ അന്തരിച്ചു:
പ്രശസ്ത പാരമ്പര്യ ആയുർവേദ ചികിത്സകൻ മേഴത്തൂർ മാരിപ്പറമ്പിൽ ഗംഗാധരൻ നായർ (ഗംഗാധരൻ വൈദ്യർ) 89-ആം വയസ്സിൽ അന്തരിച്ചു. അദ്ദേഹം ആയുർവേദ ചികിത്സയിൽ ശ്രദ്ധേയമായ സംഭാവനകൾ നൽകി.
38-ാമത് ദേശീയ ഗെയിംസ്:
38-ാമത് ദേശീയ ഗെയിംസ് ഉത്തരാഖണ്ഡിൽ നടക്കുന്നു. കേരളത്തിൽ നിന്ന് 437 കായികതാരങ്ങളും 113 ഒഫീഷ്യൽസും പങ്കെടുക്കുന്നു. 29 കായിക ഇനങ്ങളിലാണ് കേരളത്തിന്റെ പങ്കാളിത്തം. കേരള ടീമിന്റെ പതാക വഹിക്കുന്നത് ബാസ്കറ്റ്ബോൾ താരം പി.എസ്. ജീനയാണ്. ഗെയിംസിന്റെ ഭാഗ്യചിഹ്നം 'മൗലി' എന്ന മയിൽ (മൊണാൽ) ആണ്.
ദേശീയ വോട്ടേഴ്സ് ദിനം 2025:
ജനുവരി 25-ന് ദേശീയ വോട്ടേഴ്സ് ദിനം ആഘോഷിക്കുന്നു. 2025-ൽ 75-ആം വാർഷികം ആഘോഷിക്കുന്നു.
പരാക്രമ ദിവസ്:
ജനുവരി 23-ന് നേതാജി സുഭാഷ് ചന്ദ്രബോസിന്റെ ജന്മവാർഷികം 'പരാക്രമ ദിവസ്' ആയി ആഘോഷിക്കുന്നു.
ഇറാഖിലെ വിവാദ നിയമഭേദഗതി:
ഇറാഖ് പാർലമെന്റ് പെൺകുട്ടികളുടെ വിവാഹ പ്രായം ഒമ്പത് വയസ്സായി കുറയ്ക്കുന്ന വിവാദ ഭേദഗതിക്ക് അംഗീകാരം നൽകി.
2025-ലെ റിപ്പബ്ലിക് ദിനം:
2025-ൽ 76-ആം റിപ്പബ്ലിക് ദിനം ആഘോഷിക്കുന്നു. ഈ വർഷത്തെ തീം 'സ്വർണിം ഭാരത്: വിരാസത് ഔർ വികാസ്' (സ്വർണ്ണ ഇന്ത്യ: പാരമ്പര്യവും വികസനവും) ആണ്. ഇന്തോനേഷ്യൻ പ്രസിഡന്റ് പ്രബോവോ സുബിയാന്റോ റിപ്പബ്ലിക് ദിനത്തിന്റെ മുഖ്യാതിഥിയാണ്.