കറന്റ് അഫയെഴ്സ് 23 ജനുവരി 2025 | Daily Current Affairs Kerala PSC | Current Affairs - 23rd January 2025

Current Affairs 23 January 2025 Malayalam

ഇന്നത്തെ പ്രധാന ആനുകാലിക വിവരങ്ങൾ ചുവടെ ചേർക്കുന്നു. കറന്റ് അഫയെഴ്സ് വായിച്ച ശേഷം ക്വിസ് കുടി പരിശീലിക്കുക.

പാങ്സ പാസ് ഇന്റർനാഷണൽ ഫെസ്റ്റിവൽ (PPIF) 2025:

രണ്ടാം ലോകമഹായുദ്ധ കാലത്തെ സാംസ്കാരിക പൈതൃകവും അതിന്റെ ചരിത്രപരമായ പ്രാധാന്യവും ആഘോഷിക്കുന്ന ഈ ഫെസ്റ്റിവൽ 2025ൽ അരുണാചൽ പ്രദേശിലെ പാങ്സ പാസിൽ നടക്കും.

ചൈനയുടെ കൃത്രിമ സൂര്യത്തിന്റെ രണ്ടാം പരീക്ഷണം വിജയകരമായി:

ചൈനയുടെ 'കൃത്രിമ സൂര്യൻ' എന്നറിയപ്പെടുന്ന ഫ്യൂഷൻ റിയാക്ടറിന്റെ രണ്ടാം പരീക്ഷണം വിജയകരമായി പൂർത്തിയായി. ഇത് ശുദ്ധ, പരിസ്ഥിതി സൗഹൃദമായ ഊർജ്ജത്തിന്റെ സാധ്യതകൾക്ക് വാതിൽ തുറക്കുന്നു.

38-ആമത് ദേശീയ ഗെയിംസ് വേദി:

38-ആമത് ദേശീയ ഗെയിംസ് ഉത്തരാഖണ്ഡിൽ നടക്കും.

ഇന്ത്യയിലെ ദേശീയ ഗെയിംസ് 1924-ൽ ലാഹോറിൽ 'ഇന്ത്യൻ ഒളിമ്പിക് ഗെയിംസ്' എന്ന പേരിൽ ആരംഭിച്ചു. 1940-ൽ ബോംബെയിൽ നടന്ന ഗെയിംസിൽ 'ദേശീയ ഗെയിംസ്' എന്ന പേര് സ്വീകരിച്ചു. 37-ാമത് ദേശീയ ഗെയിംസ് 2023 ഒക്ടോബറിൽ ഗോവയിൽ നടന്നു.ഈ ഗെയിംസിൽ മഹാരാഷ്ട്ര ഓവറോൾ കിരീടം നേടി, കേരളം അഞ്ചാം സ്ഥാനം നേടി. 38-ാമത് ദേശീയ ഗെയിംസ് 2025-ൽ ഉത്തരാഖണ്ഡിൽ നടക്കും.

കുഷ്ഠരോഗ നിർമ്മാർജ്ജന പദ്ധതി: കേരള സർക്കാരിന്റെ കുഷ്ഠരോഗ നിർമ്മാർജ്ജന പദ്ധതിയാണ് 'അശ്വമേധം'.

മാതൃജ്യോതി പദ്ധതി: ഭിന്നശേഷിയുള്ള അമ്മമാർക്ക് പ്രസവാനന്തരം കുഞ്ഞിനെ (രണ്ടുവയസ്സുവരെ) പരിപാലിക്കാൻ സാമൂഹ്യനീതി വകുപ്പ് മുഖേന പ്രതിമാസം 2000 രൂപ ധനസഹായം നൽകുന്നു. ഗുണഭോക്താക്കൾക്ക് 40% അല്ലെങ്കിൽ അതിൽ കൂടുതലായ ഭിന്നശേഷി ഉണ്ടായിരിക്കണം. വരുമാന പരിധി ഒരു ലക്ഷം രൂപയാണ്.

നിരാമയ പദ്ധതി: ഭിന്നശേഷിക്കാർക്ക് വാർഷികമായി ഒരു ലക്ഷം രൂപ വരെ ചികിത്സാ സഹായം നൽകുന്ന ആരോഗ്യ ഇൻഷുറൻസ് പദ്ധതി. പദ്ധതിയിൽ ചേരാൻ ബിപിഎൽ വിഭാഗം 250 രൂപയും എപിഎൽ വിഭാഗം 500 രൂപയും പ്രതിവർഷം പ്രീമിയം അടയ്ക്കണം.

വിദ്യാജ്യോതി പദ്ധതി: സർക്കാർ/എയ്ഡഡ് വിദ്യാഭ്യാസ സ്ഥാപനങ്ങളിലെ 40% അല്ലെങ്കിൽ അതിൽ കൂടുതലായ ഭിന്നശേഷിയുള്ള വിദ്യാർത്ഥികൾക്ക് പഠനോപകരണങ്ങൾക്കും യൂണിഫോമിനും ധനസഹായം നൽകുന്നു. 9, 10 ക്ലാസുകളിലെ വിദ്യാർത്ഥികൾക്ക് പഠനോപകരണങ്ങൾക്ക് 1000 രൂപയും യൂണിഫോമിന് 1500 രൂപയും ലഭിക്കും.

വിദ്യാകിരണം പദ്ധതി: ഭിന്നശേഷിയുള്ള മാതാപിതാക്കളുടെ മക്കൾക്ക് ക്ലാസുകളുടെ അടിസ്ഥാനത്തിൽ 10 മാസത്തേക്ക് സ്കോളർഷിപ്പ് നൽകുന്നു. ഉദാഹരണത്തിന്, 1 മുതൽ 5 വരെ ക്ലാസുകൾക്ക് പ്രതിമാസം 300 രൂപ, 6 മുതൽ 10 വരെ ക്ലാസുകൾക്ക് 500 രൂപ എന്നിങ്ങനെ. വരുമാന പരിധി ഒരു ലക്ഷം രൂപയാണ്.

പരിണയം പദ്ധതി: ഭിന്നശേഷിയുള്ള പെൺകുട്ടികൾക്കും ഭിന്നശേഷിയുള്ള മാതാപിതാക്കളുടെ പെൺമക്കൾക്കും വിവാഹ ധനസഹായം നൽകുന്ന പദ്ധതി. ഒറ്റത്തവണയായി 30,000 രൂപ ധനസഹായം നൽകുന്നു. വരുമാന പരിധി 36,000 രൂപയാണ്.

ചികിത്സാ ധനസഹായം: ഭിന്നശേഷിക്കാർക്ക് ആശുപത്രിയിൽ അഡ്മിറ്റ് ആയി ചികിത്സ ചെയ്യേണ്ടി വരുമ്പോൾ പരമാവധി 5000 രൂപ വരെ ധനസഹായം നൽകുന്നു. ഗ്രാമപ്രദേശങ്ങളിൽ വരുമാനപരിധി 20,000 രൂപയും നഗരപ്രദേശങ്ങളിൽ 24,000 രൂപയുമാണ്.

പരിരക്ഷാ പദ്ധതി: അപകടങ്ങൾ, അക്രമങ്ങൾ, പ്രകൃതിദുരന്തങ്ങൾ എന്നിവയിൽ പെട്ട ഭിന്നശേഷിക്കാർക്ക് അടിയന്തര ധനസഹായം നൽകുന്നു. വരുമാനപരിധി ഇല്ല. 25,000 രൂപ വരെ ജില്ലാ സാമൂഹ്യനീതി ഓഫീസർ അനുവദിക്കും; അതിൽ കൂടുതലുള്ള തുക ജില്ലാ കലക്ടർ ചെയർമാനായ മോണിറ്ററിംഗ് കമ്മിറ്റി അനുവദിക്കും.

സ്വാശ്രയ പദ്ധതി: 70% അല്ലെങ്കിൽ അതിൽ കൂടുതലായ തീവ്ര ശാരീരിക മാനസിക വെല്ലുവിളി നേരിടുന്ന മക്കളുള്ള മാതാവിന്/രക്ഷിതാവിന് സ്വയം തൊഴിൽ ധനസഹായം നൽകുന്നു. ഒറ്റത്തവണയായി 35,000 രൂപ ധനസഹായം നൽകുന്നു. വരുമാന പരിധി ഒരു ലക്ഷം രൂപയാണ്.

വിജയമൃതം: ന്യൂനതകളോടു പൊരുതി, ബിരുദ, ബിരുദാനന്തര, പ്രഫഷനൽ കോഴ്സുകളിൽ ഉന്നത വിജയം നേടുന്ന ഭിന്നശേഷിയുള്ള വിദ്യാർത്ഥികൾക്ക് കാഷ് അവാർഡും ഫലകവും സർട്ടിഫിക്കറ്റും നൽകുന്ന പദ്ധതി. ബിരുദ തതുല്യ കോഴ്‌സുകൾക്ക് ആർട്സ് വിഷയങ്ങളിൽ 60% മാർക്കും സയൻസ് വിഷയങ്ങളിൽ 80% മാർക്കും, ബിരുദാനന്തര പ്രഫഷനൽ കോഴ്‌സുകൾക്ക് 60% മാർക്കും ലഭിച്ചവർക്ക് അവാർഡ് നൽകുന്നു.

തുല്യതാ പരീക്ഷ എഴുതുന്നതിന് ധനസഹായം: സ്കൂൾ വിദ്യാഭ്യാസം പൂർത്തിയാക്കാൻ കഴിയാത്ത ഭിന്നശേഷിക്കാർക്ക് 10ാം ക്ലാസ്, 12ാം ക്ലാസ് തുല്യതാ പരീക്ഷ എഴുതുന്നതിന് പരീക്ഷാ ഫീസ്, കോഴ്‌സ് ഫീസ് എന്നിവ ധനസഹായമായി നൽകുന്നു. വരുമാനപരിധി ഇല്ല.