കറന്റ് അഫയെഴ്സ് 17 ജനുവരി 2025 | Current Affairs 17 January 2025 Malayalam

Current Affairs 17 January 2025 Malayalam

1. സ്പേസ് ഡോക്കിംഗ് എക്സ്പെരിമെന്റ് (SPADEX) വിജയകരമായി പൂർത്തിയാക്കിയ ലോകത്തിലെ നാലാമത്തെ രാജ്യം ഏതാണ്?

ഇന്ത്യ

അനുബന്ധ വിവരങ്ങൾ:

- SPADEX ദൗത്യത്തിന്റെ ആദ്യഘട്ടത്തിൽ 220 കിലോഗ്രാം ഭാരമുള്ള രണ്ട് ഉപഗ്രഹങ്ങൾ (SDX-01, SDX-02) PSLV C60 വഴി വിക്ഷേപിച്ചു

- ഈ നേട്ടം കൈവരിച്ച മറ്റ് രാജ്യങ്ങൾ: അമേരിക്ക, റഷ്യ, ചൈന

- നിലവിലെ ISRO ചെയർമാൻ: ഡോ. നാരായണൻ

2. എഴുത്തച്ഛൻ പുരസ്കാരം 2024 ലഭിച്ചത് ആർക്കാണ്?

എൻ.എസ്. മാധവൻ

അനുബന്ധ വിവരങ്ങൾ:

- പുരസ്കാര തുക: 5 ലക്ഷം രൂപ

- 1993-ൽ ആരംഭിച്ച ഈ പുരസ്കാരം ആദ്യം ലഭിച്ചത്: ശൂരനാട് കുഞ്ഞൻപിള്ള

- 2023-ലെ ജേതാവ്: പ്രഫ. എസ്.കെ. വസന്തൻ

എഴുത്തച്ഛൻ പുരസ്‌കാരം മലയാള സാഹിത്യത്തിനും ഭാഷയ്ക്കും സമഗ്ര സംഭാവനകൾ നൽകിയ എഴുത്തുകാരെ ആദരിക്കുന്നതിനായി കേരള സർക്കാർ 1993-ൽ സ്ഥാപിച്ച പരമോന്നത സാഹിത്യ ബഹുമതിയാണ്. ഇത് മലയാള ഭാഷയുടെ പിതാവായി പരിഗണിക്കപ്പെടുന്ന തുഞ്ചത്ത് എഴുത്തച്ഛന്റെ പേരിലാണ് അറിയപ്പെടുന്നത്. പുരസ്‌കാരമായി അഞ്ച് ലക്ഷം രൂപയും പ്രശസ്തിപത്രവും ശിൽപ്പവുമാണ് നൽകുന്നത്.

2024-ലെ എഴുത്തച്ഛൻ പുരസ്‌കാരം പ്രശസ്ത എഴുത്തുകാരൻ എൻ.എസ്. മാധവന് മുഖ്യമന്ത്രി പിണറായി വിജയൻ സമ്മാനിച്ചു.

2023-ൽ ഭാഷാചരിത്ര പണ്ഡിതനും നിരൂപകനുമായ പ്രഫ. എസ്.കെ. വസന്തനും 2022-ൽ പ്രശസ്ത സാഹിത്യകാരൻ സേതുവും ഈ ബഹുമതിക്ക് അർഹരായി.1993-ൽ ആദ്യമായി ഈ പുരസ്‌കാരം ലഭിച്ചത് ശൂരനാട് കുഞ്ഞൻപിള്ളയായിരുന്നു.

3. സുപ്രീംകോടതിയിലെ പുതിയ മലയാളി ജഡ്ജി ആരാണ്?

ജസ്റ്റിസ് കെ. വിനോദ് ചന്ദ്രൻ

അനുബന്ധ വിവരങ്ങൾ:

- സ്വദേശം: എറണാകുളം ജില്ലയിലെ നോർത്ത് പറവൂർ

- മുൻ പദവി: പട്ന ഹൈക്കോടതി ചീഫ് ജസ്റ്റിസ്

- നിയമനം: ജസ്റ്റിസ് സി.ടി. രവികുമാർ വിരമിച്ച ഒഴിവിലേക്ക്

4. മിസോറാമിന്റെ 25-ാമത് ഗവർണറായി നിയമിതനായത് ആരാണ്?

ജനറൽ വി.കെ. സിംഗ് (General V.K. Singh)

അനുബന്ധ വിവരങ്ങൾ:

- മുൻ പദവി: ഇന്ത്യൻ കരസേനാ മേധാവി

മിസോറാമിന്റെ 25-ാമത് ഗവർണറായി മുൻ ഇന്ത്യൻ കരസേനാ മേധാവിയും മുൻ കേന്ദ്രമന്ത്രിയുമായ ജനറൽ വി.കെ. സിംഗ് നിയമിതനായി.

ജനറൽ വിജയ് കുമാർ സിംഗ് 1951 മെയ് 10-ന് മഹാരാഷ്ട്രയിലെ പൂനെയിൽ ജനിച്ചു. രാജസ്ഥാനിലെ ബിർള പബ്ലിക് സ്കൂളിൽ പ്രാഥമിക വിദ്യാഭ്യാസം പൂർത്തിയാക്കിയ ശേഷം, നാഷണൽ ഡിഫൻസ് അക്കാദമിയിൽ ചേർന്നു. 1970-ൽ ഇന്ത്യൻ സൈന്യത്തിൽ ഓഫീസറായി ചേർന്ന അദ്ദേഹം, 2010 മുതൽ 2012 വരെ കരസേനാ മേധാവിയായി സേവനമനുഷ്ഠിച്ചു. സൈനിക സേവനത്തിന് ശേഷം, 2014-ൽ രാഷ്ട്രീയത്തിലേക്ക് കടന്നുവന്ന്, ഘാസിയാബാദ് മണ്ഡലത്തിൽ നിന്ന് ലോക്സഭാംഗമായി തിരഞ്ഞെടുക്കപ്പെട്ടു. നരേന്ദ്ര മോദി മന്ത്രിസഭയിൽ വിദേശകാര്യ സഹമന്ത്രിയടക്കമുള്ള വിവിധ സ്ഥാനങ്ങൾ വഹിച്ച അദ്ദേഹം, 2024-ൽ സജീവ രാഷ്ട്രീയത്തിൽ നിന്ന് വിരമിച്ചു.

മിസോറാമിലെ മുൻ ഗവർണർമാരിൽ മലയാളികളായ വക്കം പുരുഷോത്തമൻ, പി.എസ്. ശ്രീധരൻ പിള്ള, കുമ്മനം രാജശേഖരൻ എന്നിവരും ഉൾപ്പെടുന്നു.

5. കേരള കലാമണ്ഡലത്തിന്റെ ചരിത്രത്തിലെ ആദ്യ പുരുഷ ഭരതനാട്യം അധ്യാപകൻ ആരാണ്?

ഡോ. ആർ.എൽ.വി. രാമകൃഷ്ണൻ

അനുബന്ധ വിവരങ്ങൾ:

- നിലവിലെ പദവി: അസിസ്റ്റന്റ് പ്രൊഫസർ

- കലാമണ്ഡലം ചാൻസിലർ: മല്ലിക സാരാഭായി

- വൈസ് ചാൻസിലർ: ബി. ആനന്ദകൃഷ്ണൻ